[ DEC-15-2020] கள்ளர்வெட்டு 2020 லைவ் வீடியோ

 

கள்ளர்வெட்டு 2018

கருக்குவேல் ஐயனார் விகடன் செய்திகள்

முற்காலத்தில், தேரிக் குடியிருப்பையும், அதைச் சுற்றியிருந்த பகுதிகளை யும் அதிவீரணசூர பாண்டிய மன்னர் ஆட்சி செய்து வந்தார். ஐயனார் மானிட உருவம் எடுத்து, மன்னருக்கு ஆலோசனை கூறும் அமைச்சராக இருந்தார். 

மன்னரின் கோட்டைக்கு அருகில் இருந்த சுனையில் (ஊற்றில்) இருந்து சுரக்கும் தண்ணீரைத்தான் குடிநீராகப் பருகி வந்துள்ளனர். இந்த ஊற்றுப் பகுதியில் ஓங்கி வளர்ந்த ஒரு மாமரம் இருந்தது. அந்த மரத்தில் குறிப்பிட்ட ஆண்டுக்கு ஒருமுறை, ஒரு காய் மட்டுமே காய்த்துப் பழமாகுமாம். சுனையில் தானாக விழும் அந்த மாம்பழத்தைச் சாப்பிடுபவருக்கு அபூர்வ பலன்கள் கிடைக்கும் என்பதால், அந்தப் பழத்தைக் காவல் காக்க, மாமரத்தைச் சுற்றிலும் காவலாளிகளை நிறுத்திவைத்திருந்தார் மன்னர். 

அந்த ஊரில், ஆண்கள் கண்களில்படாமல் ஒரு விதவைப் பெண் தனியாக வசித்து வந்தாள். பொழுது சாயும் நேரத்தில் மட்டும் சுனைக்கு வந்து தண்ணீர் பிடித்துச் செல்வது வழக்கம். அப்படி வழக்கம்போல் தண்ணீர் பிடிக்க வந்தபோது, மரத்தில் இருந்த பழம் உதிர்ந்து, அந்தப் பெண்ணின் குடத்தில் விழுந்துவிட்டது.  இது தெரியாத அந்தப் பெண், வீட்டுக்குச் சென்று குடத்தைக் கீழே இறக்கி வைத்துவிட்டாள்.

அடுத்த நாள் காலையில் மரத்திலிருந்த பழத்தைக் காணாததால், மன்னரின் உத்தரவுப்படி விதவைப் பெண்ணின் வீட்டைத் தவிர மற்ற எல்லா வீடுகளிலும் காவலாளிகள் சோதனை போட்டும் பழம் கிடைத்த பாடில்லை. இறுதியாக விதவைப் பெண்ணின் வீட்டில் சோதனை போடும்போது குடத்துக்குள் கிடந்த மாங்கனியை எடுத்து மன்னரிடம் கொடுத்தனர் காவலாளிகள். அந்தப் பெண்தான் மாம்பழத்தை எடுத்துச் சென்றுவிட்டாள் என்று நினைத்த மன்னர், அவளை முறைப்படி விசாரிக்காமல், அந்தப் பெண்ணுக்கு மொட்டையடித்து, கரும்புள்ளி, செம்புள்ளி குத்தி, எருக்கம்பூ மாலை போட்டு, சுண்ணாம்புக்  காளவாயில் போட்டு எரிக்கும்படி உத்தரவிட்டார்.

அமைச்சராக இருந்த ஐயனார், ‘`அந்தப் பெண்மீது தவறில்லை. தனக்கே தெரியாமல் குடத்துக்குள் மாங்கனி விழுந்ததற்கு இவள் எப்படிப் பொறுப்பாவாள்? மன்னா, இந்த உத்தரவைத் திரும்ப பெற வேண்டும்’’ என்று மன்னரிடம் கூறியும் அதைக் கேட்காத மன்னர்,  தண்டனையை நிறைவேற்றினார். ஆராயாமல் தனக்கு அநீதி இழைத்த மன்னரின் செயலால் கோபம்கொண்ட அந்தப் பெண், ‘`நின்று நிலைத்து நீதி கேட்காதவன் சீமையில் தீக்காற்றும் தீ மழையும் பெய்யக்கடவது...’’  என்று சாபமிட்டாள்.  உத்தமியின் சாபம் அல்லவா? உடனே மன்னரின் கோட்டையும் ஊரும் தீக்கு இரையாகிவிட்டது. ஐயனார் மட்டும் தன் தெய்வ சக்தியினால், அருகிலிருந்த கருக்குவா மரத்தில் ஐக்கியமாகி விட்டார். பிற்காலத்தில் மக்களுக்கு அருள்புரிய திருவுள்ளம்கொண்டு, கருக்குவா மரத்திலிருந்து தோன்றினார். கருக்குவா மரத்திலிருந்து தோன்றிய தால், ‘கற்குவேல் கையனார்’ என்ற திருப்பெயர் ஏற்பட்டது. 

முற்காலத்தில் ஐயனாருக்கு, ‘கையனார்’ என்றே பெயர். கற்குவேல் கையனார் என்ற பெயரே காலப்போக்கில் மருவி, கருக்கு வேலய்யன், கருக்கோல ஐயன், கருக்குவாள் ஐயன், கருக்குவாலை ஐயன் என்றெல்லாம் அழைக்கப் பட்டு, தற்போது, ‘கருக்குவேல் ஐயனார்’ என்று அழைக்கப்படுவதாக விரிகிறது ஐயனார் கோயில் தல வரலாறு. இப்பகுதி கல்வெட்டுகளிலும் பட்டயங்களிலும் ‘கருக்கு வேலைய்யன்’ என்றே குறிப்பிடப்பட்டுள்ளது.

ஐயனாரின் அழகுத் திருக்கோலம்!

ஐயனார் எழுந்தருளியுள்ள கருவறை கருங்கற்களால் கட்டப்பட்டுள்ளது. வலது காலைத் தரையில் ஊன்றி, இடது காலை மடக்கியபடி கிழக்கு நோக்கி அமர்ந்த நிலையில் காட்சியளிக்கிறார். ஐயனாரின் வலது கையில் நீதி நெறியை அறிவிக்கும் தருமச்செண்டு உள்ளது.  ஐயனாருக்கு வலப்புறம் பூரணம்மாள், இடப்புறம் பொற்கமலம்மாள் ஆகியோர் காட்சியளிக் கின்றனர். பொற்கமலம்மாளை ‘புஷ்கலையம்மாள்’ எனவும் அழைக்கின்றனர். கருணை ததும்பும் இரு விழிகளும் தரிசிப்பவர்களைக் கவரும் வண்ணம் திகழ்கின்றன. கூரிய நீண்ட மூக்கும், இருபுறமும் மடிந்த காதுகளும், இதழ்களில் நெளியும் புன்னகையும், ஜடாமுடியும் கொண்டு எழிலார்ந்த கோலத்தில் அருள்காட்சி தருகிறார் ஐயனார்.

கள்ளர் வெட்டுத் திருவிழா!

முற்காலத்தில் வடதிசையிலிருந்து, மந்திர சக்தி படைத்த கள்வன் ஒருவன், கற்குவேல் ஐயனார் கோயிலில் உள்ள பொருள்களைக் களவாடிச் செல்வதற்காக வந்தான். அவன் தன் மந்திர சக்தியைப் பயன்படுத்திப் பொருள்களைக் கொள்ளையடித்த நிலையில், அவனை முன்னடியானும் பட்டவராயனும் பிடித்து, ஐயனாருக்கு முன்பாகக் கொண்டுவந்து நிறுத்தினர். ஐயனார், அந்தக் கள்வனைச் சிரச்சேதம் செய்யுமாறு உத்தரவிட்டாராம். அதன்படி முன்னடியான், பலவேசக்காரன், வன்னியராஜா ஆகியோர் கள்வனைக் கட்டி இழுத்துக்கொண்டு சென்று, தேரிக் காட்டில் வைத்துச் சிரச்சேதம் செய்துவிட்டனர். இந்த நிகழ்ச்சியை நினைவுகூரும் வகையில், ஒவ்வொரு வருடமும் கார்த்திகை மாதம் ‘கள்ளர் வெட்டுத் திருவிழா’ விசேஷமாக நடைபெறுகிறத

கார்த்திகை மாதம் முதல் நாளிலிருந்து கடைசி நாள் வரை இந்தத் திருவிழா கொண்டாடப்படுகிறது. கார்த்திகை மாதம் முழுவதும் பக்தர்கள் சுத்த விரதம் இருப்பார்கள். கோயிலில் தினமும் அபிஷேக ஆராதனைகள் நடைபெறும். காலையும் மாலையும் வில்லிசையில் ஐயனாரின் கதை படிக்கப்படும். மாதத்தின் கடைசி மூன்று நாள்களில்தான் திருவிழா சிறப்பாக நடைபெறும். கார்த்திகை மாதம் 28-ம் நாள் ஐவரராஜாவுக்கு சிறப்பு அபிஷேக ஆராதனைகள் நடைபெறுகிறது. 29-ம் நாள் ஐயனார், பேச்சியம்மன் மற்றும் பரிவாரத் தெய்வங்களுக்குச் சிறப்பு அபிஷேக ஆராதனைகள் நடைபெறுகிறது.

எடுப்பெடுத்தல்!

30-ம் நாளில்தான் திருவிழாவின் சிறப்பு நிகழ்ச்சியான கள்ளர் வெட்டுத் திருவிழா நடைபெறுகிறது. அன்று காலையில் கோயில் பூசாரிகள் 11 பேர், திருக்கோளூருக்குச் சென்று தாமிரபரணி நதியிலிருந்து 11 கலசங்களில் தீர்த்தம் எடுத்து வருவார்கள். பெண்கள் பேச்சியம்மனுக்கு முளைப்பாரி எடுத்து வருவார்கள். தொடர்ந்து சிறப்பு அபிஷேகமும் பூஜைகளும் நடைபெறும். மதியம் 3 மணிக்கு கள்ளர்சாமி ஆடும் கோமரத்தாடி (சாமி ஆடும் நபர்), கள்ளர்சாமி சந்நிதிக்கு முன்பு செல்வார். அவருக்குக் கருங்கச்சை, சல்லடை, குல்லா அணிவித்து அவருடைய கையில் ஐந்து மணி வல்லயம் கொடுத்து, மேளம் கொட்டப்பட்டு அருள் ஏற்றப்படும். அருள்வந்த கள்ளர்சாமி, கையில் ஒரு பெரிய ஓலைப் பெட்டியை எடுத்துக்கொண்டு வேகமாக ஓடி, கோயில் வளாகத்தில் உள்ள கடைகளில் விற்பனைக்கு வைக்கப்பட்டுள்ள பழம், வெற்றிலை, தின்பண்டங்கள், பலகாரங்கள், விளையாட்டுச் சாமான்கள், பூஜைப் பொருள்கள் என்று கண்ணில் பட்ட பொருள்களையெல்லாம் களவாடிக் கொண்டு அருளோடு ஓடி வருவார். இப்படி கடைகளில் பொருள் எடுப்பதை ‘எடுப்பெடுத்தல்’ என்கின்றனர். ஓலைப் பெட்டியில் எடுத்து வந்த பொருள்களில் ஒரு பகுதியைப் பாடல் படிக்கும் வில்லிசைப் பாடகருக்கும், மற்றொரு பகுதியை மேளக்கார அன்னாவிக்கும் கொடுப்பார். 

பிறகு மேல்புறமும் அடிப்புறமும் தோல் சீவப்பட்ட செவ்விளநீர்க் காய்க்கு முழுவதும் குங்குமம் பூசி, அதை  ஒரு தாம்பாளத்தில் வைத்து ஐயனார் சந்நிதிக்குக் கொண்டுசெல்வார்கள். அங்கே பூஜை செய்யப்பட்டு, மேளதாளத்துடன் தேரிக் காட்டுக்கு எடுத்துச் செல்லப்படுகிறது செவ்விளநீர். கூடவே, கள்ளர்சாமி ஆடும் நபரைக் கள்வனாகக் கருதி அவரின் கைகளைக் கயிற்றால் கட்டித் தேரிக் காட்டுக்கு இழுத்துச் செல்கிறார்கள். கள்ளர்சாமியைச் சுற்றிலும் முன்னடிமாடன், வன்னிய ராஜன், பட்டவராயன், பலவேசக்காரன், சங்கிலிமாடன், உதிரமாடன், கருப்பன், பெரியாண்டவர் ஆகிய சாமிகளைச் சுமந்தபடி, சல்லடையும் குல்லாவும் அணிந்த சாமியாடும் சாமிமார்கள் வருவார்கள்.

மண்ணெடுத்தல்!

தேரிக் காட்டை அடைந்ததும், அங்கே குவிக்கப்பட்ட மணல்மேட்டில் செவ்விளநீர் வைக்கப்படுகிறது. கள்ளர்சாமியின் கையைக் கட்டிய கயிற்றின் முனையை வன்னியராஜாவுக் காகச் சாமியாடுபவர் பிடித்துக்கொண்டு, அந்த மணல்மேட்டில் வைக்கப்பட்டிருக்கும் செவ்விள நீரை அரிவாளால் வெட்டுவார். பின்னர், கள்ளர்சாமிக்குத் தண்ணீர் தெளிக்கப்பட்டு உயிர் கொடுக்கப்படுகிறது. தொடர்ந்து கோயிலுக்கு வந்து பக்தர்கள் பொங்கல் வைத்து, மறுநாள் காலையில் கிடா வெட்டி, சமைத்துச் சாப்பிட்டு விட்டுக் கிளம்புவார்கள்.

தேரிக் காட்டில் செவ்விளநீர் வெட்டப் பட்டதும், இளநீரிலுள்ள தண்ணீர்பட்ட செம்மண்ணைப் பக்தர்கள் போட்டி போட்டுக்கொண்டு அள்ளி எடுக்கின்றனர். இதனை ‘மண்ணெடுத்தல்’ என்கின்றனர்.  இந்த மண், பார்ப்பதற்கு ரத்தம் சிந்தியது போல இருக்கும். இந்த மண்ணை வீடுகளில், கடைகளில், வியாபார நிறுவனங்களில் வைத்தால் செல்வம் பெருகும் என்பது பக்தர்களின் நம்பிக்கை. இந்த மண்ணை நெற்றியில் பூசிவருவதோடு, தண்ணீரில் கலந்து காய்ச்சல், வயிற்றுவலி தீர்க்கும் நிவாரணியாக வும் குடித்து வருகின்றனர். 

இதோ... கார்த்திகை மாதம் பிறக்கப்போகிறது. திருவிழாவை எதிர்நோக்கியிருக்கிறது ஐயனாரின் திருக்கோயில். அன்பர்கள்... குறிப்பாக ஐயப்பமார்கள் இவ்விழாவில் கலந்துகொண்டு ஐயனாரைத் தரிசித்து வழிபட்டு வாருங்கள். அவரின் திருவருளால் உங்கள் எதிர்காலம் சிறக்கும் வாழ்க்கை செழிக்கும்.

இலாட சந்நியாசி
அதிவீரணசூர பாண்டிய மன்னருக்கு அமைச்சராக இருந்து ஆலோசனை கூறிய ஐயனாருக்கும் ஆலோசனை சொல்வதற்காக ஓர் அமைச்சர் இருந்தார். அவர்தான் இலாட சந்நியாசி. ஐயனார் சந்நிதிக்கு முன்புள்ள மகா மண்டபத்தில், ஐயனாருக்கு வலப்புறத்தில் அருளும் விநாயகப் பெருமானுக்கு அருகிலேயே ‘இலாட சந்நியாசி’ அமர்ந்த நிலையில் காட்சி தருகிறார். ஐயனாருக்கு ஆலோசனை கூறும் அமைச்சர் அந்தஸ்தில் உள்ள இவர், முனிவரின் வடிவம்கொண்டு முனீஸ்வரராகத் திகழ்கிறார்.

ஐயனாருக்கு உகந்த நாள்

புதன் மற்றும் சனிக்கிழமைகளும் மாதம்தோறும் உத்திர நட்சத்திர நாளும் ஐயனாருக்கு உகந்த நாள்கள் ஆகும். இந்த நாள்களில்  ஐயனாருக்கு வெள்ளைநிறப் பட்டும், ரோஜா மாலையும், தேவியருக்குச் சிவப்புநிறப் பட்டும், மல்லிகைப் பூமாலையும் சாத்தி வழிபட்டால் நினைத்தது நிறைவேறும் என்பது பக்தர்களின் நம்பிக்கை. வேண்டுதல் நிறைவேறிய பக்தர்கள் கல்லினால் செய்யப்பட்ட யானை, குதிரை சிலைகளை நேர்த்திக் கடனாகச் செலுத்துகின்றனர்.

குதிரை வாகனம் 

இங்குள்ள ஐயனாருக்கு யானையுடன் குதிரையும் வாகனமாக உள்ளது. பொதுவாக ஐயனார் குதிரையின் மீது இருக்கும் கோலத்தில்தான் காட்சி தருவார். ஆனால், இங்கு குதிரை மட்டும் தனியாக இருக்கிறது. மக்களுக்கு நீதி கூற வேண்டும் என்பதற்காகத்தான் ஐயனார் குதிரையின் மேலிருந்து கீழே இறங்கி அமர்ந்துள்ளார் என்கின்றனர் ர்ப் பெரியவர்க

ஒரே சந்நிதியில் மூன்று அம்மன்கள்  

இங்கே, வடக்கு நோக்கி மூன்று அம்மன்கள் அருட்காட்சி தருகின்றனர். பொதுவாக அமர்ந்த நிலையில் காட்சி தரும் பேச்சியம்மன் இங்கே நின்ற கோலத்தில் காட்சி தருகிறாள். பேச்சியம்மனுக்கு வலப்புறத்தில் உச்சினி மாகாளியும், இடப்புறத்தில் ராக்காயி அம்மனும் காட்சி தருகின்றனர்.

பங்குனி உத்திரம்

உத்திரத்தில் உதித்தவன் ஐயன்’ என்று ஐயனாரின் அவதாரம் பற்றிக் கூறுவதைப் போல் கார்த்திகை மாத கள்ளர் வெட்டு தவிர, பங்குனி உத்திரத்தன்றும் ஐய்யனார், பேச்சியம்மன் மற்றும் பரிவாரத் தெய்வங்களுக்கு சிறப்பு அபிஷேக, ஆராதனைகள் நடக்கின்றன. கோயிலின் 

தல விருட்சம் வக்கணத்தி மரம் (தற்போது கோயிலில் இல்லை) என்று கூறுகிறார்கள

பிள்ளை வரம் தரும் பேச்சியம்மன் 

குழந்தை பாக்கியம் வேண்டும் பெண்கள் செவ்வாய், வெள்ளிக்கிழமைகளில் பேச்சியம்மனுக்கு மஞ்சள்நிறப் பட்டு, செவ்வரளி மாலை சாத்தி வழிபட்டு, வேப்பமரத்தில் தொட்டில் கட்டி, மரப்பாச்சி பொம்மை வாங்கிப்போட்டால் மரத்தில் தொட்டில் ஆடுவதுபோல அடுத்த வருடமே வீட்டிலும் தொட்டில் ஆடும் என்கின்றனர் பக்தர்கள்.

எப்படிச் செல்வது ?

தூத்துக்குடி மாவட்டம் திருச்செந்தூர் – திருநெல்வேலி செல்லும் சாலையில் உள்ளது காயாமொழி. காயாமொழியிலிருந்து 8 கி.மீ தொலைவில் குதிரைமொழி – தேரிக் குடியிருப்பு பகுதியில் அமைந்திருக்கிறது அருள்மிகு கற்குவேல் ஐயனார் திருக்கோயில். காயாமொழியிலிருந்து மினி பஸ் அல்லது ஆட்டோவில் செல்லலாம்.

நடைதிறப்பு நேரம்: காலை 8 மணி முதல்  மாலை 6 மணி வரை (மதியம் நடை அடைப்பு இல்லை) 

தொடர்புக்கு: திருக்கோயில் அலுவலகம்: 04639 – 232530
நன்றி: விகடன்

கள்ளர் வெட்டு அழைப்பிதழ் - 2016

கள்ளர் வெட்டு அழைப்பிதழ் - 2014

கள்ளர் வெட்டு அழைப்பிதழ் - 2012

கள்ளர் வெட்டு 2012 - தினதந்தி செய்திகள்

கள்ளர் வெட்டு 2012

கள்ளர் வெட்டு 2011 புகைப்படங்கள் மற்றும் வீடியோ

தேரிக்குடியிருப்பு கற்குவேல் அய்யனார் கோயிலில் கள்ளர்வெட்டு திருவிழா கோலாகலம்

உடன்குடி :  தேரிகுடியிருப்பு கற்குவேல் அய்யனார் கோயிலில் கள்ளர்வெட்டு
நிகழ்ச்சி கோலாகலமாக நடந்தது. இதை காண தமிழகம் முழுவதும் இருந்து ஏராளமான பக்தர்கள் குவிந்தனர். தேரிக்குடியிருப்பை ஒட்டியுள்ள குதிரைமொழி கிராம வனப்பகுதியில் மிகவும் தொன்னெடுங்காலம் முதல் கற்குவேல் அய்யனார் திருத்தலம் எழிலுடன் அமைந்துள்ளது. இந்த ஆலயத்தைச் சுற்றிலும் வரலாற்றுச் சிறப்பு மிக்க செம்மண் தேரிக்குன்றுகள் அரண் போலவும், கோட்டைச் சுவர் போலவும் அமைந்துள்ளது. இயற்கை எழில் கொஞ்சும் இடத்தில் கற்குவா என்ற மரத்தில் அய்யன் தோன்றி அற்புதங்கள் நிகழ்த்தி காட்டியதால் கற்குவா+அய்யன் கற்குவா அய்யன் என்றழைக்கப்பட்டார். இச்சொல் காலப்போக்கில் கற்குவேலய்யன் என்றழைக்கப்பட்டார். இச்சொல் காலப்போக்கில் கற்குவேலய்யன் எனப் பலவாறாக மருவிற்று. இங்கு அய்யன் பூரணம், பொற்கலை ஆகிய இரு தேவியருடன் அமர்ந்த நிலையில் அருள்பாலிக்கிறார். அநீதிகள் தலைதூக்கிய போது அதனை அழித்து நீதியை நிலை நிறுத்தினார் அய்யர். அந்த நாளே கள்ளர்வெட்டு நாளாக கொண்டாடப்படுகிறது. இச்சிறப்பு மிக்க திருவிழா கடந்த நவ.17ம் தேதி சிறப்பு அபிஷேக ஆராதனையுடன் துவங்கியது.



தினசரி சிறப்பு பூஜையும், இரவு வில்லிசையும் நடந்தது. விழாவின் முக்கிய நிகழ்ச்சிகள் (டிச.14ம் தேதி) பகல் 11 மணிக்கு ஜவராஜா மாலையம்மன் பூஜை நடந்தது. மாலை 6 மணிக்கு சிறப்பு அபிஷேக ஆராதனையும், இரவு 9 மணிக்கு மாக்காப்பு தீபாராதனையும் நடந்தது. (டிச.15ம் தேதி) காலை 10 மணிக்கு மகளிர் வண்ணக்கோலமிடும் நிகழ்ச்சியும், காலை 11 மணிக்கு மற்றும் 12மணி சிறப்பு அபிஷேக ஆராதனையும், மாலை 6 மணிக்கு மாவிளக்கு பூஜையும், இரவு 7.30 மணிக்கு 25வது ஆண்டு வெள்ளி விழா திருவிளக்கு பூஜையும், இரவு 9 மணிக்கு உற்சவர் திருவீதி உலாவும் சிறப்பு நிகழ்ச்சியாகவும், மாலை 6 மணிக்கு சமயசொற்பொழிவும், இரவு 8 மணிக்கு பட்டிமன்றமும் நடந்தது.

(டிச.16ம் தேதி) காலை 9 மணிக்கு தாமிரபரணி தீர்த்தம் வெள்ளிக்குடத்தில் எடுத்துவருதல், காலை 9.45 மணிக்கு கோயில் எல்லையில் இருந்து அய்யன், பேச்சியம்மாளுக்கு முளைப்பாரி ஊர்வலமும், பகல் 12 மணிக்கு சிறப்பு அபிஷேக ஆராதனையும், மாலை 4.45 மணிக்கு பிரசித்திப் பெற்ற கள்ளர்வெட்டு நிகழ்ச்சியும் நடந்தது.

கள்ளர் எனக் கூறும் இளநீரை தேரி  மணல்குன்றின் மீது வைத்து கோயில் பூசாரி வெட்டு நிகழ்ச்சி நடந்தது. இந்த இடத்தில் மணல் எடுத்து வீடு மற்றும் வர்த்தக நிறுவனங்களில் வைத்தால் செல்வம் பெருகும் என்ற ஐதீகம் இருப்பதால் நெல்லை, தூத்துக்குடி, கன்னியாகுமரி, விருதுநகர், மதுரை, திண்டுக்கல் மற்றும் கோவை, சென்னை போன்ற தமிழகத்தின் பல்வேறு இடங்களில் இருந்து லட்சக்கணக்கான பக்தர்கள் குவிந்தனர்.

 சிறப்பு நிகழ்ச்சிகளாக பகல் 9 மணி, மாலை 2 மணி, மாலை 5
மணிக்கும் சமயசொற்பொழிவும், பகல் 10 மணிக்கு வில்லிசையும், இரவு 8 மணிக்கு திரைப்படஇசை கச்சேரியும் நடந்தது. இன்று முன்னடி பூஜையும், வரும் டிச.23ம் தேதி எட்டாம் நாள் பூஜையும் நடக்கிறது. ஏற்பாடுகளை தக்கார்
ராமசுப்பிரமணியன், நிர்வாக அதிகாரி ராஜேந்திரன் ஆகியோர் செய்து
வருகின்றனர்.

- தினமலர் செய்திகள்

டிஜிட்டல் அழைப்பிதழ்

அழைப்பிதழ் பார்க்க, கிளிக் செய்யவும்
https://docs.google.com/open?id=0ByN0vaXaytrCNWM5MjdmZGEtZjA3OC00YTU1LTkyMGQtNzQ4MDI1OTczOWU4

டவுன்லோட் செய்ய கிளிக் செய்யவும்,
www.vijaynetwork.com/karkuvelayyanar/skat-invitation-2011.pdf

கள்ளர்வெட்டு மாபெரும் அன்னதான திருவிழா

அருள்மிகு ஸ்ரீகற்குவேல்அய்யனார் திருக்கோவில், குதிரைமொழி கிராமம் தேரிக்குடியிருப்பு, அன்னதானம் ஐந்தாம் ஆண்டு அழைப்பிதழ்

புனிதம் வளர ஸ்ரீம் பூரணஸ்ரீம்கற்குவேல் அய்யனார் ஸ்ரீம்பொற்கலை பேச்சியம்மன் கோவில் அனைத்து தெய்வங்களும் புனிதமான இடம் புனித தன்மை காப்பதற்காக எந்த அய்யனார் என்றலும் சைவம் நம்குலம் செழிப்பாக வளர நம் அனைவரும் ஆடு, கோழி, சேவல் பலியிட வேண்டாம் பழங்கள், காய்கறிகள், நவதானியங்கள் படைத்தால் ஆனந்த மகிழ்ச்சி மழை கிடைக்கும்.

அன்னதான இடம்
குதிரைமொழிகிராமம் தேரிக்குடியிருப்பு ஸ்ரீம் பூரணம் ஸ்ரீம்கற்குவேல் ஸ்ரீம் பொற்கலை சுவாமி கோவில் மூன்றாம் ஆண்டு நடைபெற்ற இடத்தில் அன்னதானம் நடைபெறும்.

நிகழ்ச்சி நாட்கள்
16-12-2011 கர வருஷம் கார்த்திகை மாதம் 30ம் நாள் வெள்ளிக்கிழமை சுக்கிரன் ஓரையில் காலை 7.00 மணிக்கும் பகல் 1.00 மணிக்கும் குரு ஓரையில் மாலை 6.00 மணிக்கும் அன்னதானம் நடைபெறும்.

தமிழ்நாடு முழுவதிலுமுள்ள ஸ்ரீம் கற்குவேல் அய்யனார் குலதெய்வ பங்காளிகள் அன்னதான சேவைச் சங்கம்,
 பதிவு எண்: 105/2011,
1094, பெரியகுளம் ரோடு, தேனி – 625531. செல்:9486258329,9715422789.

கள்ளர் வெட்டு திருவிழா 2011 நிகழ்ச்சி நிரல்

14-12-2011
பகல் 11.00 மணி – ஜவராஜா – மாலையம்மன் பூஜை
மாலை 6.00 மணி – சிறப்பு அபிஷேக ஆராதனைகள்
இரவு 9.00 மணி – மாக்காப்பு தீபாராதனை

15-12-2011
காலை 10.00 மணி – மகளிர் வண்ணக்கோலமிடும் நிகழ்ச்சி
காலை 11.00 மணி – சிறப்பு அபிஷேகம் ஆராதனைகள்
பகல் 12.00 மணி   - சிறப்பு அபிஷேகம் ஆராதனைகள்
மாலை 6.00 மணி – மாவிளக்கு பூஜை
இரவு 7.30 மணி -  திருவிளக்கு பூஜை 25 ஆண்டு வெள்ளி விழா.
இரவு 9.00  மணி- உற்சவர் திருவீதியுலா

16-12-2011

காலை 9.00 மணி – தாமிரபரணி தீர்த்தம் வெள்ளிக்குடத்தில் எடுத்து வருதல்
காலை 9.45 மணி – அருள்மிகு ஸ்ரீகற்குவேல் அய்யனார் திருக்கோவில் 

எல்லையில் இருந்து அருள்மிகு ஸ்ரீகற்குவேல் அய்யனார், அருள்மிகு பேச்சியம்மனுக்கு முளைப்பாரி எடுத்து வருதல்.கற்குவேல் அய்யனார் வழிபாட்டுக்குழு தமிழ்நாடு

பகல் 12.00 மணி – சிறப்பு அபிஷேகம், ஆராதனைகள்

மாலை 4.45 மணிக்கு மேல் - கள்ளர்வெட்டு நிகழ்ச்சி.

17-12-2011( மார்கழி மாதம் 1ம் தேதி சனிக்கிழமை )
மாலை 4.00 மணி – முன்னடி பூஜை வில்லிசை நிகழ்ச்சி.

23-12-2011( மார்கழி மாதம் 7ம் தேதி வெள்ளிக்கிழமை )
பகல் 12.00 மணி – எட்டாம் நாள் பூஜை சிறப்பு வழிபாடு.

கார்த்திகை திருநாள் நல்வாழ்த்துக்கள்

ஸ்ரீ கற்குவேல் அய்யனார் கள்ளர் வெட்டு திருவிழா - 2011

தினமலர் செய்தி - தேரிகுடியிருப்பு கற்குவேல் அய்யனார் கோயிலில் கள்ளர்வெட்டு திருவிழா

உடன்குடி : தேரிகுடியிருப்பு கற்குவேல் அய்யனார் கோயில் திருவிழாவில் நேற்று கள்ளர் வெட்டு நிகழ்ச்சி கோலாகலமாக நடந்தது. இதில் பல்லாயிரக்கணக்கான பக்தர்கள் கலந்துகொண்டனர். தேரிகுடியிருப்பு கற்குவேல் அய்யனார் கோயில் தூத்துக்குடி மாவட்டத்தில் மிகவும் பிரசித்திப் பெற்ற திருத்தலங்களில் ஒன்றாகும். இக்கோயில் கள்ளர்வெட்டு திருவிழா ஆண்டுதோறும் வெகு விமர்சையாக நடைபெறுவது வழக்கம். திருவிழா கடந்த மாதம் சிறப்பு அபிஷேக ஆராதனையுடன் துவங்கியது.விழாவில் நேற்று காலை 9 மணிக்கு தாமிரபரணி தீர்த்தம் வெள்ளிக்குடத்தில் எடுத்துவருதல், காலை 9.45 மணிக்கு கற்குவேல் அய்யனார் வழிபாட்டு குழு சார்பில் கற்குவேல் அய்யனார், பேச்சியம்மனுக்கு முளைப்பாரி எடுத்தல் நிகழ்ச்சியும், பகல் 12 மணிக்கு சிறப்பு அபிஷேக ஆராதனையும் நடந்தது. விழாவில் முக்கிய நிகழ்ச்சியான பிரசித்தி பெற்ற கள்ளர் வெட்டு நிகழ்ச்சி மாலை 4 மணிக்கு நடந்தது. கள்ளர் என்னும் இளநீர் வெட்டும் இடத்தில் புனித மண் எடுத்து வீட்டில் வைத்தால் செல்வம் பெருகும் என்ற ஐதீகம் இருப்பதால் ஆயிரக்கணக்கான மக்கள் போட்டி போட்டு புனித மண் எடுத்துச்சென்றனர். இரவு 7 மணிக்கு திருக்குறள் கேள்வி பதில், இரவு 8 மணிக்கு திரைப்பட கச்சேரியும் நடந்தது. விழாவில் இன்று முன்னடி பூஜை நடக்கிறது. வரும் 23ம் தேதி பகல் 12 மணிக்கு எட்டாம் நாள் பூஜை நடக்கிறது. ஏற்பாடுகளை நிர்வாக அதிகாரி ராஜேந்திரன், அறங்காவலர் குழுத்தலைவர் ராஜேந்திரன், அறங்காவலர்கள் கோபாலகிருஷ்ணன், முருகேசமுத்து, பெத்தையா, ராஜரத்தினம் அம்மாள் ஆகியோர் செய்திருந்தனர்.

- தினமலர்

கள்ளர் வெட்டு நிகழ்வு - 17-12-2010 8.00 am சன் டிவியில் ஒளிபரப்பானது.

2010 Invitation => 16-12-2010 kallar vettu

மகா கார்த்திகை தீப திருநாள் நல்வாழ்த்துக்கள்

Give Your Valuable Suggestions

Hi All,

Give your valuable suggestions to improve this site.

Add your suggestions in 'comments' link.

Regards,

Admin.

கார்த்திகை-2010 நாள்

நவம்பர்

17

பக்ரீத், அரசு விடுமுறை

விக்ருதி வருடம் - கார்த்திகை

1

17-11-2010

புதன்

துல்ஹஜ்

10

சபரிமலை ஐயப்ப பக்தர்கள் மாலையணிதல். கைசீக ஏகாதசி,பீஷ்ம பஞ்சகம், திருவண்ணாமலை வெள்ளி ரதம், வள்ளியூர் ஸ்ரீசுப்ரமணிய சுவாமி கோவில் ஸ்ரீவள்ளி திருக்கல்யாணம்.

கரிநாள்

நல்ல நேரம் : 9.30 - 11.30 ராகு : 12.00 - 1.30 குளிகை : 10.30 - 12.00 எமகண்டம் : 7.30 - 9.00 கரணன் : 12.00 - 1.30

திதி : ஏகாதசி திதி நேரம் : ஏகாதசி இ 7.16 நட்சத்திரம் : உத்திரட்டாதி மா 2.58

யோகம் : சித்த-மரண யோகம் சந்திராஷ்டமம் : பூரம்,உத்திரம் சூலம் : வடக்கு பரிகாரம் : வெல்லம்

கற்குவேல் அய்யனாருக்கு விரதம் இருத்தல் 17 -11 -2010 புதன் முதல் துவங்குகின்றது.

• அன்றைய தினம் பக்ரீத்

• சபரிமலை ஐயப்ப பக்தர்கள் மாலையணிதல்